මඩවල එස්. රත්නායක නම් ඔහු ලාංකේය කලා කෙත පෝෂණය කලාවූ සුපුෂ්පිත පුෂ්පයකි.අප ඔහු හදුනාගන්නේ ලාංකේය සාහිත්‍යයට ඉමහත් මෙහෙවරක් කලාවූ ප්‍රතිභාපූර්ණ කලාකරුවකු ලෙසිනි.සොදුරු මිනිසෙකු ලෙසිනි.1929 පෙබරවාරි 05වන දින කුරුණෑගල දිස්ත්‍රික්කයේ,දඹදෙනි උඩුකහ දකුණු කොරලේ,මඩවල නම් ග්‍රාමයෙහි සිරිසේන රත්නායක නමින් උපන් ඔහු,ඔහුගේ භාවපූර්ණ කවියෙන්,කෙටි කතාවෙන්,නව කතාවෙන්,ගීතයෙන් ලක් කලා අඹරෙහි බැබළෙන තාරකාවක් බවට පත්වන්නේ නිතැතිනි.ඔහුගේ ජන්ම නාමය සිරිසේන රත්නායක වුවත්,කවුරුත් ඔහු හදුනාගන්නේ මඩවල එස්.රත්නායක ලෙසිනි.
ඔහුගේ පාසල් අවදිය පිළිබද සොයා බැලීමේදී, ඔහු ඔහුගේ ප්‍රාථමික අධ්‍යාපනය පිණිස ඇතුළුවන්නේ හම්බුළුව මිශ්‍ර පාසලටයි.ඉන් අනතුරුව ඔහුගේ කණිෂ්ඨ අධ්‍යාපන කටයුතු සිදු කරනුයේ කෑගලු විද්‍යාලයෙනි.පාසල්වියේ සිටම කාව්‍ය රචනය වෙත සිත යොමුකල ඔහු වැඩිදුර අධ්‍යාපනය සදහා පිවිසියේ මහනුවර සිල්වෙස්තර විද්‍යාලයටයි.මඩවල එස්. රත්නායකයන්ගේ කාව්‍ය නිර්මාණයක් පුවත් පතක පල නව විට ඔහු සොලොස්වැනි වියේ පසුවිය.මෙලෙස කාව්‍යකරනයෙහි යෙදුනු ඔහු 1946 වර්ෂයේ දී තම ප්‍රථම කාව්‍ය ග්‍රන්ථය ප්‍රකාෂයට පත් කලේය.පෙම් අමා,මාර යුද්ධය,හීන හතක් යන මේවා ඔහුගේ කාව්‍ය ප්‍රකාශනයන් අතර කිහිපයකි.ගුවන්විදුලි සංස්ථාවෙහි ළමා පිටිය වැඩසටහන එකල ඉතාමත් ජනප්‍රිය ගුවන්විදුලි වැඩසටහනක් විය.ඔහුද එම වැඩසටහන සමග සම්බන්ධවී සිටියේ මෙම අවදියේමය.
මින් ටික කලක් ගතවත්ම ඔහු ඔහුගේ වෘත්තීය දිවියට පාතබන්නේ පුවත්පත් කලාවේදියෙකු ලෙසිනි.ඒ 1950 වසෙර්දීය.ලේක්හවුස් ආයතනයේ පුවත්පත් කලාවේදියෙකු වූ ඔහු,දිණමිණ පුවත්පතෙහි තම කාර්යභාරය මැනවින් ඉටු කලහ.දිණමිණ පුවත්පතෙහි දෙවසරක් පමණ සේවය කරන ඔහු ඉන් අනතුරුව එක්වන්නේ ලංකාදීපයටයි.නමුත් 1954 වන විට ඔහු ඉන්ද අස්වීමට තීරණය කලහ.
ඔහු දිවියේ නව කතා සහ කෙටිකතා සාහිත්‍ය මෙහෙවර පිරික්සී‍මේදී අක්කර පහ නම් නව කතාව ඔහුගේ ප්‍රථම නවකතාව විය.කෙටි කතා සංග්‍රහය වනුයේ බුදු හිනාව නම් කෙටි කතා සංග්‍රහයයි. නොමල මල්,තවලම් කාරයෝ,සුවද පිරුණු අතීතයක්,උපන් දා සිට කරපු පවු ලෙස ඔහුගේ විශිෂ්ඨ කෙටිකතා සංග්‍රහයන් කිහිපයක් දැක්විය හැකිය.
වසර හතරකට වැඩි පුවත්පත් දිවියට සමුදුන් ඔහුට මේ වනවිට ගුවන්විදුලියේ සංගීත වැඩසටහන් අංශයේ පුරප්පාඩුවක් වන බව දැනගන්නට ලැබුණි.ඔහුගේ දක්ෂතාවයන් මෙන්ම දේශීය සංගීතය පිළිබද වූ හසල දැනුමත් ඔහුට එම තනතුර ලබාගැනීමේදී උපකාරී විය.රත්නායකයන්ගේ සහජ හැකියාවන් තව තවත් වැඩි දියුණු කරගැනීමෙහිලා ගුවන්විදුලිය ඔහුට කදිම තෝතැන්නක් විය.සිංහල ජන සංගීතයෙහි ප්‍රගමනය වෙනුවෙන් කැපවුණු ඔහුගේ ජන ගායනා නමින් ගුවන්ගත් ගුවන්විදුලි වැඩසටහන පැසසුම්කාරී වීය.ඒ 1955 වර්ෂයයි.
නවි,කෙටි කතා,නව කතා පමණක්ම නොව ඔහු ගීත රචනයටද සමත්කමක් දැක්වූයෙක් වීය.ඔහුගේ ප්‍රථම ගීතය රචනා වන්නේ 1955 වසරේදීය.අමරදේවයන් හා එක්ව සිංහල ගීතයට නවමු අරුතක් පදනම වන්නේද මේ කාලයේදීමය.මින්දද හී සර,ස්වර්ණ විමානෙට,ඹඹරෙකු ආවයි යන අමරදේවයන්ගේ මිහිරි ස්වරයෙන් ගැයෙන අමරණීය පද මාලාවන් රත්නායකයන්ගේ තෙලි තුඩින් ගිලිහුණු විශ්වකර්ම නිර්මාණයෝය.
ලාංකේය ගීතය,කෙටි කතාව,නව කතාව බබළවමින් තම නිර්මාණ කාර්යයෙහි නිරත වූ මඩවල එස්.රත්නායකයන් 1997 ජනවාරි 07 වන දින සදහටම දෙනෙත පියා ගත්තේ තවත් පරම්පරාවන් සියයකට වුවද රසවිදින්නට වටිනා යමක් දායාද කරමිනි...
මචං නියමයි. ගොඩ දෙනෙක් කොකරන වැඩක්. වෙලාව හොයාගෙන මෙහෙම පෝස්ට් එකක් දැම්මට ගොඩක් ස්තූතියි බං
ReplyDeleteස්තුතියි යාළුවා...
ReplyDeleteVery good brother
ReplyDeleteරත්නායකයන් ඇගයීමේ උළෙලක් කරන්න හිතන් ඉන්නවා ඔහු උපන් වයඹ කේන්ද්‍ර කරගෙන. ඔබගේ තොරතුරුත් මට ගොඩක් වැදගත් වුනා
ReplyDelete